MAK AIHH.. INI HUTAN KO GHUMAH NIH?

halamak ai.. lamo lak tak membebel sini ha.. den bajet laman sesawang den nih dah serupo hutan kek bukit putuih nun.. somak segalo ghimau, kambing, khinzir (sopan sikit) sumo ado duk berdendang nih ha..

eh..la hai.. lupo lak nak bagi salam..

assalamualaikum semuo orang kampung den.. sehat ko.. daging korban tuh toksah la mentedarah banyak bona.. bagi la sikit kat jiran2 tu ha.. itu pun kalau jiran ekau perangai baik dan berbudi bahaso lah.. kalo tak, simpan jo la daging tuh.. makan sendiri..xpon, goreng kicap dahtu p bagi kat kucing2 tuh.. dapek gak pahalo..

camnilah, cakap banyak pun tak guno.. den ni ha baru jo sampai kek istana hinggap den kek tg malim ni ha.. peh.. perjalanan den tadi memang advanture lah bak kata orang putih.. iyolah, pagi2 dah den dah menyusur jalan p bahau nun.. nasib baik la abah den seorang abah yang den kiro multi tasker.. pagi ni anta den p bahau (stesen bas).. kang lopeh jumaat, nak p menyusur poie amik si oit pulak.. itu lah orang kampung den sumo koba, "merato anak ekau nih jamal..perak ado, KL ado, tangkak ado.."..abah den rilek jo reply "anak ramai, nak buek camnoo.."

okeh.. ni ha den nak crito sikit hal dalam bas tadi..dopan den ado la sepasang laki bini ngan duo orang anak.. sorang baby kocik sorang lagi dah bosar sikit dalam 4 tahun.. den bajet, mesti la baby kocik nih bakalan menangeh2 dalam bas jap lagi.. uponyo tekaan den meleset samo sekali.. budak umor 4 tahun tu pulak dok meragam cam abah dio punyo bas lak.. den dah berkiro2 nak lompat keluar dari bas, punyolah sakit kepalo dengan karenah budak tuh.. bulih lak dio bantai menangeh2.. xtau la nak apo.. nak polompang kot.. den pikir den akan sawan jap lagi nih sobab tokanan dongar budak nih menangeh2..jauh lagi lak tuh nak sampai kolumpo..dah la den tak tahan dengan bau minyak atar ariel peterpan sebolah den nih..

ok.. ini yang satu den malas nak naik pengangkutan awam.. bukan apo, den ghaso2 den dok mesia..tapi apo namo eh yang ghamai bona suku sakat ariel peterpan.. itulah, remajo sekarang ni lah punco kebanjiran dorang tu.. yo lah.. remajo mesia, yang maleh blaja tuh, orang soh kait sawit, motong gotah xmau deh.. merempit handa.. e i.. memang raso nak luku yo kpalo masing2.. bukan apo, bilo dorang maleh buat sumo kojo tuh, kono la diimport sumo buruh asing tuh.. cubo kalau yang merempit sumo tuh disuruh ngait sawit motong getah sumo, den ghaso, xdo lah banyak bonar buruh asing masuk dalam mesia ni.. yo tak? tapi itulah nak buat camno, remajo mesia sekarang ni banyak eh tak bulleh harap.. bercinto pandai..

ha.. kan den dah membebel..

sesampai jo den di kotaraya mesia nih, den dongan 3 kotul beg, den susun langkah sopan2 ko bas stand klang.. banyak lak ai keto.. kayo2 orang kolumpo ni ha.. boghat boto beg den ni ha.. macam pikul beras seguni lak ha den raso.. itu la deh.. den nih ade satu kelemahan yang dari sejak dulu den xdapek nak kikih.. camni, den ado prangai yang memanglah menjadik punco bebelan omak den.. den kalau balik kampung den bawak beg ringan jo.. bilo nak balik semulo ke tg malim, hah! tu dio.. memang xmuat2 beg den.. macam2 yang den angkut dari umah.. segalo malo lah den bawak.. itu pon kalau omak den xbuat spot check, sah2 la tibi dengan mesin basuh pun den seludup masuk beg.. habitat den yang nih memang xboleh nak kikih.. xbuleh nak buek apo dah..

nak putiuh tangan den tadi.. den raso tangan den dah memanjang.. lopeh ni den duk sebolah orang utan pun orang ingat den ngan orang utan adik beradik.. xpo.. den xkesah.. den redho.. :(

ok lah.. ponat lak tangan den ni ha..

ok bye..jangan rindu den..

nanti den bebel lagi ok..

den sekarang nak p menebas lak kek umah den ni ha..

doakan den selamat.. mano la tau.. tongah dok nyapu2 nanti jumpo singo lak dalam umah nih..

den tadi masuk umah pun den kono beronang.. den xdapek bezo dah mano tong sampah, mano mejo makan.. macam samo yo den tengok.. xpo lah.. mungkin kek umah dio kek kampung, dio makan topi tong sampah kot.. itu yang xdapek bezo mejo makan ngan tong sampah tuh..

itu bolum lagi dalam bilik den ni ha.. kono nyolam guno snorkel ngan gogel den.. sumo ado, sampah, bau.. ahaha.. xpo lah.. rumate den, den maafkan jo la kau.. tapi ekau jago2 lah.. kok kang ekau tengoh tido den tobas leher kau ngan sabit kait sawit ..ok..

assalamualaikum semuooo..

i lep u all