Ekau tamak ko tak??

Ponah tak ekau ghaso yang ekau tu tamak bona??

Tamak..sey ghaso sumo oghang ponah ghaso yang dio tu tamak..sapo yang kato tak ponah tu memang bapak menipu eh tu.. memang layak kono boda ngan penyapu lidi..tak pun ngan gotah paip kek jamban tu…dah tu, nak ngaku ko tak? Baik jawab copek!

Sey ni bukan apo..ado soghang kawan sey ni..dia nih memang gilo bapak tamak eh..sumo bondo dia nak tamak..yang sey tak leh timo anak patung anak buah dio pun dio ghembat gak..memang sah nak kono boda budak ni..kalau sey ngan dio poie makan bope otel tu, dio punyo pinggan..memang kalau tak ponuh, tak membukit cam bukit putuih tu, memang tak sah la..alasan eh mudah yo..

“kito baya mahal amek , ghugi kalau makan seciput yo..”

P lantak la heh ngan dio..maleh sey nak koba lagi ngan dio..

Takpo2..tang ni sey buleh trimo dengan hati yang terbuko..

Sobona eh..ni sey nak ceghito pasal kawan sey yang tu la..dio ni sobona eh dah ado boipren..tapi boipren eh tu sebok yo memanjang ntah apo bondo yang di buek eh pun sey tak tau..nak kato boipren eh tu kayo, jago bisnes juta2 xdo lak sey ghaso..kigho eh kawan sey ni kurang kasih sayang la..dio ngadu ngan sey:-

“wey timah..sey kurang kasih sayang la..sey takut sey torcurang kek boipren sey tu..pastu an timah..sey ghaso sey dah jatuh cinto laie nih..camno eh?”

Sey baleh:-

“wey..abah kau. Kau koba kau sayang bona kek boipren ko tu kan..ni tetibo yo suko kek jantan lain apo hal lak?..ekau nih dah buang tebiat ko?”

Dio baleh kek sey balik:-

“sey dah torai dah timah..tapi sey torjatuh cinto jugak ni ha..sey tor yo..sey bukan sengajo..”

Sey baleh balik dongan nada yang agak lombut sikit:-

“abeh, ni ekau nak bagitau sey yang ekau nak jadi tamak la ni eh?”

Dio jawab..(eh..menjawab pulak dio..)

“tula..skaghang ni sey ghaso sey dah tertamak la..boipren sey tu, mampuih sey takkan lopas an..tapi yang soghang lagi ni, sey nak jugak..camno nih timah..tolong la sey yang dalam delima wanita nih”

Sey baleh dengan nada sekato:-

“meh sey lompang muko ekau sikit”

Jadi, koghang ghaso koghang ponah tak ghaso tamak amek camni? Kalau ponah, apo laie..poie la lompang muko sendiri secaro berirama sokarang jugak..

p/s: motif entry loght N9 ialah untuk mempolish semula skill untuk pameran wacana akademik..gile kentang..lame gile tak skiping N9..